ஆகாய கங்கை

"கோ" திரைப்படத்தில் என் நிழல்ப்படம்

2011-04-23T09:16:00.000-07:00

தற்போது வெளிவந்திருக்கும் கோ திரைப்படத்தின் இயக்குனரான கே வி ஆனந்த் அவர்கள் ஒரு மாதத்திற்கு முன்னர் டிவிட்டரில் சொல்லியிருந்தார் கோ திரைப்படத்தின் கதாநாயகன் ஒரு நிழல்ப்படப்பிடிப்பாளராகையால் நாங்கள் படத்தின் டைட்டிலுக்கு சில படங்களை பயன்படுத்த இருக்கிறோம் அதனால் இங்கு இருக்கும் நிழல்ப்படப்பிடிப்பாளர்கள் தாங்கள் எடுத்த நிழல்ப்படங்களை எங்களுக்கு அனுப்பிவையுங்கள், நன்றாயிருந்தால் பயன்படுத்துவோம் என்று கூறியிருந்தார். நானும் ஏதோ நாமளும் அனுப்பிவைப்போமே என்று மூன்று படங்களை அனுப்பினேன்.

சில நாட்கள் கழித்து ஒரு மின்னஞ்சல் வந்தது, அதில் கூறியிருந்தார்கள். உங்களது படங்கள் அனைத்துமே நன்றாக இருந்தன ஒவ்வொன்றுக்கும் ஒவ்வொரு தனித்துவம் உள்ளது ( இது எல்லோருக்கும் சொல்லியிருப்பார்கள்) கீழே இணைத்திருக்கும் உங்கள் நிழல்ப்படத்தின் படத்தை எங்களுக்கு அனுப்பிவையுங்கள் என்று அதில் இருந்தது.

அப்போதே தெரிந்தது அதனை தெரிவுசெய்துவிட்டார்கள் என்று, ஆனாலும் அதிகமாக வெளியில் சொல்லவில்லை. படம் வெளிவரும்வரையில் காத்திருக்கலாமே என்று இருந்தேன். இன்று மிகவும் ஆவலுடன் படத்தை பார்த்தேன் பல புகைப்படங்கள் வந்துகொண்டிருந்தன, எங்கேடா நமது படம் அவ்ளோதானா என்று பாத்துக்கொண்டிருந்தேன், கடைசியில் ஒரு காட்சியில் 3-4 படங்கள் மாறும், அப்போது எனது படமும் வந்தது. என்னைப்போல் நிழல்படப்பிடிப்பை பொழுதுபோக்காக செய்யும் ஒருவருக்கு இது ஒரு நல்ல அங்கீகாரம்தான். நான் எடுத்த நிழல்ப்படம் திரையில் வரும்போது ( 1/2 செக்கனுக்காவது ) மிகவும் மகிழ்ச்சியாக இருந்தது :)

இதோ அந்த நிழல்ப்படம் - இனி படம்பார்ப்பவர்கள் யாராவது இருந்தால், படம் ஆரம்ப டைட்டில் போகும்போது இந்தப்படமும் வரும் பாருங்கள்.

நிழல்ப்படம், சுயதம்பட்டம்

இரவோடிரவாக ஒரு சிறையுடைப்பு

2010-06-13T13:00:00.000-07:00

தலைப்பை பாத்துட்டு ஏதோ டெரர் ஆ இருக்குமெண்டு வந்திருப்பீங்க, ஹீ ஹீ மன்னிச்சுகோங்க, இது கொஞ்சம் வேற சிறை உடைப்பு , ஐ போன் ஐ போன் (ஒண்ணுதான் ) எண்டு ஒண்ணு கேள்விப்பட்டிருப்பீங்க, நிறைய பேர் அத பாவிச்சிருப்பீங்க, இன்னும் சில பேர் அத இன்னும் பாவிச்சிட்டு இருப்பீங்க. இது அந்த ஐ போன எப்பிடி நம்ம நாடுகளில் பாவிக்க கூடிய மாதிரி மாத்துறது எண்டுற சமாச்சாரம். அதுக்கும் சிறைக்கும் என்னடா சம்பந்தம் எண்டு நீங்க கேக்கலாம், ஹீ ஹீ கொஞ்சம் பொறுங்க எல்லாத்தையும் ஒண்ணு விடாம சொல்லிடுறன்.

இந்த ஆப்பிள் காரங்க ஐ போன் வெளியிட்டதிலருந்து எனக்கு அதில ஒரு கண்ணுங்க,அதோட அழகும் , ஸ்டையிலும், பாக்கிற எல்லாரையும் கவர்ந்து இழுத்திடும், அப்பிடித்தான் நமக்கும் அத ஒருதரம் பாவிக்கணுமெண்டு நீண்ட நாளா ஒரு ஆச இருந்துக்கிட்டே இருந்திச்சு, ஆனா அத வாங்கிறதுதான் ரொம்ப கஷ்டமா போச்சு, ஏனோ தெரியல்ல அலுவலகத்திலும் நண்பர்கள் வட்டாரத்திலும் ஐ போன் பத்தி பெரிசா யாரும் கண்டுகிட்ட மாதிரி தெரியல்ல, ஒண்ணு அதோட விலை மற்றது எல்லாத்தையும் டச்சு பண்ணிதான் இயக்கணும் எண்டுறது.

நோக்கியாவிலேயே ரொம்ப காலமா நோண்டிட்டு இருக்கிற நம்ம மக்களுக்கு அவ்வளவா பிடிக்கல.நாமளும் கனகாலமா நோக்கியாவதான் நோண்டிட்டு இருக்கிறம் , இனி ஒரு ஸ்மார்ட் போன வாங்கி பாவிப்பம் எண்டு நினைக்கும் போதுதான் எனக்கு ஞாபகம் வந்தது நான் ஏற்க்கனவே கண்ணு வச்சிருந்த ஐ போன். வாங்கினா ஐ போன் இல்லன்ன Blackberry Strom எண்டு முடிவு கட்டியாச்சு.

நானும் தெரிஞ்சவங்க தெரியாதவங்ககிட்ட எல்லாம் கேட்டுபாத்தன் யாரும் ஆப்பிள்ள அவ்வளவா ஆர்வம் காட்டல்ல. ஏன் இப்பிடி இருக்கானுங்க எண்டு எனக்கு இப்பவும் ஒரு டவுட்டு இருக்குது.

இந்த ஆப்பிள் காரனுங்களும் ரொம்ப மோசமானவனுங்க , எல்லாம் அமேரிக்கா காரனுக்குத்தான் எண்டுற மாதிரி AT&T வலையமைப்பு பாவிக்கிரவனுக்குதான் ஐ போன் எண்டு ஆக்கி வச்சிருக்கான் (வேறு சில வலையமைப்புகளுக்கும் இப்போது இருக்கிறது ). அதனால அந்த ஐ போன் வேற எங்கயும் பாவிக்காத படி ஒரு பூட்டு போட்டு வச்சிருக்காங்க, பூட்டு போடாத ஐ போனும் இருக்குது அதெல்லாம் வாங்க நமக்கு கட்டுப்படியாகாது. US போகும் நண்பர்களிடம் கொடுத்து வாங்குவம் எண்டு பாத்தா அதுக்கு AT&T ஒப்பந்தம் இருந்தால்தான் வாங்க முடியும். இப்பிடி கஷ்டப்பட்டு கடைசியா UK ல இருக்கிற சகோதரனிடம் சொல்லி ஒரு மாதிரியா ரெண்டு கிழமைக்கு முதல் ஒரு ஐ போன் வாங்கியாச்சு

சரி வாங்கின பிறகு என்ன பிரச்சனைன்னா அந்த ஐ போனுக்கு பூட்டு உடைக்கணும், இதில என்ன ஒரு விசயமெண்டா ஐ போன் மற்ற போன்கள போல இல்ல, பூட்டு உடைக்கிறது ரொம்ப ஈசி. மற்ற போன்கள் எண்டா , நாமளா எல்லாத்தையும் பண்ணுறது ரொம்ப கஷ்டம், சில வேளை ஒரு கோட் நம்பர் கொடுக்க வேண்டி இருக்கும், ஆனா இதுக்கு அந்த பிரச்சினையே இல்ல , கூகிலாண்டவரிட்ட கேட்டா எல்லாம் புட்டு புட்டு வைப்பார், இல்லன்னா யு டியூபானந்தாகிட்ட ஏகப்பட்ட வீடியோ இருக்கு :) . சரி நாமளே களத்தில இறங்குவமேண்டு போனும் கம்பியூட்டருமா இருந்து தேட ஆரம்பிச்சா, அப்போதான் நமக்கு பல விசயமே க்ளீயர் ஆச்சு, அதாவது நீங்க முதலாவதா உங்க ஐ போன் எ ஐ டியூனோட கனெக்ட் பண்ணி அக்டிவேட் பண்ண சொல்லி கேக்கும்,

ஆனா அதுக்கு நீங்க அந்த போன் ஐ எந்த வலையமைப்பில வாங்கினீர்களோ அந்த சிம்ம போட்டாதான் அதுவா அக்டிவேட் ஆகும், இப்போ என்ன பண்ணுவே எண்டு ஐ போன் என்ன பாத்து சிரித்தது. சரின்னு இன்னும் கொஞ்சம் தேடினா , கிடைச்சது மேட்டர், அது இல்லாமலும் நாம பண்ணலாம் ஆனா, அதுக்கு நம்மட ஐ போன் ஐ சிறை உடைக்கணும் ( Jail Break) (அப்பாடா தலைப்புக்கு காரணம் வந்திட்டுது)

சிறை உடைப்பெண்டா (Jail Breaking) என்னன்னா, அது ஒரு ஹாக்கிங் மெதட் , அதாவது நம்மட ஐ போன் ஐ, ஆப்ளிளால அங்கீகரிக்கபடாத மூன்றாம் நபரின் மென்பொருட்களை நிறுவுவதற்கு ஏற்றவாறு மாற்றுதல். அப்போதான் நீங்க பூட்டு உடைக்கும் (Unlocking) மென்பொருட்களை அதிலே நிறுவ முடியும். இப்பிடி தேடி தேடி , ஒரு மாதிரியா அன்றிரவே எனது ஐ போனினை சிறை உடைத்து விட்டேன் .

ஆனா என்ன இருந்து என்ன பயன், நான் என்னோட வலையமைப்பில பாவிக்கிறதெண்டா இன்னும் கொஞ்ச காலம் தாமதிக்கணும், ஏனென்டால் நான் சிறை உடைத்திருக்கிறேனேன் ஆனால் எல்லா சிம்மும் பாவிக்கும் படியான பூட்டை இன்னும் உடைக்கவில்லை, (Unlocking) நான் மட்டுமில்ல நிறையபேர் இப்பிடித்தான் காத்துட்டு இருக்காங்க, ஏனென்டா, இந்த பூட்டு உடைக்கும் வழிமுறை ஏற்கனவே கண்டு பிடிக்கப்பட்டு விட்டது ஆனா அத கண்டு புடிச்சவங்க இப்போதைக்கு அத வெளில விடாம வச்சிருக்காங்க, ஏன்னா ஆப்பிள் காரன் OS4 வெளியிடும் வரைக்கும் பாத்திட்டு இருக்காங்க இல்லன்ன அவன் இதுக்கு ஒரு பச் எ போட்டு அத ரிலீஸ் பண்ணிடுவான் எண்டுறதால. iPhone 4 இப்போதான் வந்திருக்குது அதனால இன்னும் ஒரு ரெண்டு வாரத்தில இந்த பூட்டுடைக்கும் வழிமுறையும் வெளில வந்திடுமென்டு நினைக்கிறன்.

எனக்கு தெரிஞ்ச ஒருத்தன் அங்க இருக்கிறான், அவனுக்கு இதெல்லாம் ரொம்ப ஈசி , அவனிட்ட கொடுத்தா பூட்டு உடைச்சி தருவான் எண்டு நீங்க யாரும் சொல்லலாம், ஆனா மக்கா நீங்க சொல்லுறது சரி அது எனது போனின் மென்பொருளுக்கு முந்தைய வேர்சன் ஆக இருக்கும்.

இந்த மென்பொருள் சமாச்சாரம், சிறையுடைத்தல், பூட்டுடைத்தல் என்னத்த பாவிச்சு எப்பிடி உடைக்கிறது

எல்லாம் சேர்த்து டெக்னிக்கலா ஒரு பதிவு போடலாமெண்டு இருக்கன், வந்தா பாத்துகோங்க.

இருந்தாலும் இப்போதைக்கு எனது போனை ஒரு ஐ பாட் ஆகவும், மொபைல் பிரவுசர் (With WI-FI) ஆகவும் பாவிக்கிறேன்.

இலங்கையில் உணரப்பட்ட பூமியதிர்ச்சி

2010-06-12T13:23:00.000-07:00

கன காலமா பதிவு போடலையே, ஏதாவது எழுதுவமேண்டு இருந்து எழுதிமுடிச்சிட்டு இருக்கும் பொது லேசா என்னோட மேசை ஆடுவது போலஇருந்திச்சு,
என்னடா இது பூமியதிர்ச்சியோ ? எண்டு போட்டு திரும்பவும்வேலைய தொடர்ந்தா , கொஞ்ச நேரத்தால இன்னும் கடுமையா ஆடிச்சு , நானும்என்னோட Table Fan மேசையோட பட்டு ஏதும் ஆடுதோ எண்டுட்டு பாத்தா , அதுவுமில்ல அப்புறம்தான் கதிரையால எழும்பி நிண்டு பாத்தா முழு கட்டடமேஆடுது , ஆஹா இது அதுல்ல? எண்டுட்டு ஓடிப்போய் கூகிள்ல தேடினாஒன்னையும் காணோம், சரி Twitter போடுவம் எண்டுட்டு , Is it Earthquake ?? எண்டு போட்டன் கொஞ்ச நேரத்தால ஒளிப்பதிவாளர் அரவிந்த் கிருஷ்ணா I think chennai just experienced EARTHQUAKE !!! MY GOD எண்டு போட்டார் , அப்போதான் விளங்கிச்சு நாம மட்டும் ஆடல்ல நிறையப்பேர்ஆடிருக்காங்கன்னு,
அப்புறம் Facebook ஸ்டேடஸ் அப்டேட் பண்ணினா என்னோடநண்பர்களின் Comments நிரம்ப தொடங்கியது, பலர் அதிர்வைஉணர்ந்ததாகவும் சிலருக்கு ஒண்ணுமே உறைக்கவில்லை எண்டும் சொன்னார்கள், தெரிந்தவர்களுக்கெல்லாம் SMS அனுப்பி பார்த்தேன், அதுவும் அப்பிடித்தான் சிலர் நித்திரை என்றதால் ஒன்ன்றும் உணரவில்லை, ஆனால் பலர் எதோ கனவு என்று நினைத்திருக்கிறார்கள்.

USGS நிகோபார் தீவுகளின் அருகில் 7.7 Richter அளவிலான பூமியதிர்ச்சி ஏற்ப்பட்டுள்ளதாக தெரிவித்துள்ளார்கள்

இப்போது 7.5 ஆக குறைக்கப்பட்டு விட்டது

http://earthquake.usgs.gov/earthquakes/dyfi/events/us/2010xkbv/us/index.html

இப்போது இந்திய, இலங்கை, மலேசிய, இந்தோனேசியா போன்ற நாடுகளுக்கு சுனாமி எச்சரிக்கை விடுக்கப்பட்டுள்ளது, அப்படி வருவதென்றால் இன்னும் சிறிது நேரத்தில் வர வேண்டும்.

ம்ம்ம் இத எழுதி முடிக்கும் பொது சுனாமி எச்சரிக்கை எடுக்கப்பட்டுவிட்டது.

ஆக அசம்பாவிதங்கள் ஒன்றும் நடைபெற வில்லை எல்லாரும் நல்ல இருக்காங்கன்னுதான் நினைக்கிறேன்

நாம பதிவு எழுத போனாதான் பூமியதிர்ச்சி வருதோ ???
,

ஆக எங்கிருந்தாவது உருவினா சரி !!

2010-02-23T02:04:00.000-08:00

சினிமா உலகில் கதையை திருடுவதும்,டைட்டிலில் தன் பெயரைபோட்டுக்கொள்வது பின்னர் யாரும் இது அதுதானே எண்டால் யாரு சொன்னாநான் அந்த படத்த பாக்கவே இல்ல, யாராவது டி வி டி தந்தா நான் தொழில விட்டேபோறன் எண்டுறதும் ஒண்ணும் புதுசு இல்ல, ஆனால் இது ஒரு விளம்பரம்சம்பந்தமானது ஒரு விளம்பரத்திலிருந்து இன்னொரு விளம்பரத்துக்கு கருவினை திருடுதல். இந்த குற்றச்சாட்டு இப்போது IPL மீது சுமத்தப்பட்டுள்ளது

IPL இற்காக தற்போது ஒளிபரப்பப்பட்டுவரும் செங்கம்பள விளம்பரமானது (பார்க்கவீடியோ 1)

சீன ஒலிம்பிக்கின் போது கோககோலா இனால் ஒளிபரப்பப்பட்டவிளம்பரத்திலிருந்து ( பார்க்க வீடியோ 2)

உருவப்பட்டுள்ளது என்பதுதான் அது .

கடந்தமுறையும் இப்படியொரு விளம்பரம் வெளியிடப்பட்டது அது Yankees இனுடையவிளம்பரத்திலிருந்து உருவப்பட்டதாக சர்ச்சை உண்டானது, அந்த இரண்டு வீடியோக்களையும் அந்த குற்றச்சாட்டுக்கு அதனை உருவாக்கிய Prasoon Pandey இன்விளக்கத்தையும் கீழுள்ள வீடியோவில் பாருங்கள்.

தற்போதைய வீடியோவில் வித்தியாசமாக இந்திய தேசிய கீதத்தை பின்னணிஇசையாக இணைத்துள்ளார்கள் ( நமது திரைப்படங்களில் ஒரு மச்சத்தை வைத்து மாறுவேசம் போடுவதுபோல ) ஆனால் இன் விளம்பரத்தில் 1.03 ஆம்செக்கனிலும் சீன விளம்பரத்தின் 1.37 ஆம் செக்கனிலும் பார்த்தீர்கள் எண்டால்அதேபோல் லொகேசன்களை தேடி தேடி படமாக்கியுள்ளார்கள் போலஇருக்கிறது.

இம்முறை இந்த வீடியோவானது அருண் கோபாலன் என்பவரினால்படமாக்கப்பட்டு மும்பையில் உள்ள Debu Purkayastha, Vistasp Hodiwala, Ram Jayaraman , Sundeep Sehgal. என்பவர்கள் அடங்கிய ஒரு குழுவினால்கணினி வரைகலைக்குட்படுத்தப்பட்டுள்ளது.

ஆனால் இதயெல்லாம் பாத்திட்டுCocaCola கேஸ் போடுமா என்று பார்த்தல்அது நடக்காது என்றுதான் நினைக்கிறேன், கோடி கோடியாக பணம் புரளும் இந்தவிளயாட்டுலகில் BCCI ஐ பகைத்துக்கொண்டால் CocaCola இனால் இந்தியாவில் வியாபாரம்பண்ணுவது மிகவும் கஷ்டம் அதனால், விளம்பரத்துல இதெல்லாம் சகஜமப்பா எண்டுட்டு போவார்கள் போலதான் தெரிகிறது.

இதிலே இன்னொரு சுவாரசியம் என்னவென்றால் அந்த சீன விளம்பரத்தின்பின்னணி இசை,The pirates of the Caribbean படத்தின் பின்னணி இசை. அவர்கள் அதை அங்கே இருந்துஉருவியிருக்கிறார்கள் . ஆக ஆளாளுக்கு எங்க உருவலாம் எண்டுதான்இருக்கிறாங்க.

இதை வாசிக்கும் உங்களுக்கு இன்னொரு செய்தி என்னவெண்டா இத நான் இங்கஇருந்துதான் உருவினேன்.

ஹா ஹா .......ஹீ ஹீ .......பதிவுலகத்தில இதெல்லாம் சகஜமப்பா!

அதுக்காக யாரும் வந்து உங்க நேர்மைய நான் பாராட்டுறன் எண்டெல்லாம்சொல்லப்படாது.

ஆஸ்திரேலியாவில் இசைப்புயல் - வீடியோ

2010-01-18T11:19:00.000-08:00

அண்மையில் ஆஸ்திரேலிய நியு சவுத்வேல்ஸ் மாநிலத்தின் Sydney Festival 2010 எனற நிகழ்வினை சிறப்பிக்க அம்மாநில அரசு இசைப்புயலை அழைத்து ஒருஇசை நிகழ்ச்சி நடாத்தியிருந்தார்கள். Indo Australian Peace concert என்ற இந்தநிகழ்ச்சிபற்றி ஒரு நீண்ட பதிவினை இந்த நிகழ்ச்சியை நேரடியாக பார்த்த கானாபிரபா அவர்கள் தந்திருந்தார். நமக்கு அங்கு போகவோ பார்க்கவோ கொடுத்துவைத்திருக்கவில்லை ஆனால் யு டியூப் இல் சில வீடியோக்கள் வந்துள்ளன, அவற்றில் மிகவும் தெளிவாக இருக்கும் சிலவற்றை இங்கே தரலாமென்றுநினைக்கிறேன். ( அங்க இருக்கிறத எடுத்து நீ இங்க தரணுமா என்று கேட்பது புரிகிறது , ஆனாலும் எல்லாவற்றையும் ஒரே இடத்தில் தரலாமென்று முயற்சித்தேன்) இந்த வீடியோக்களை தரவேற்றிய செந்தில் என்பவருக்குநன்றிகள்.

ஜோதா அக்பர் படத்தில் இடம்பெற்ற காஜா மேரே காஜா என்ற பாடல்.

பாம்பே படத்தில் இடம்பெற்ற அரபிக்கடலோரம் பாடல்

ஹரிஹரன் சாதனா சர்கத்தின் உயிரே உயிரே , உதயா உதயா பாடல்கள்

Slumdog Millionaire படத்தின் பின்னணி இசைகொர்ப்புகளில் ஒன்றான Mausam & Escape இங்கே நேரடியாக, அசாத் கானின் விரல்கள் சித்தாரில் நடனமாடுகின்றன

இறுதியான ரஹ்மானின் நன்றியுரையும் , ஜெய் ஹோ, வந்தே மாதரம்பாடல்களும்

நிகழ்ச்சி தொடங்கும் முன் , இசைப்புயலின் பேட்டி

இன்னும் பல பாடல்கள் பாடப்பட்டுள்ளன ஆனால் இவைதான் கிடைத்தன மிகவும் தெளிவாக

கிருத்திகா உதயநிதியின் எயிட்ஸ் குறும்படங்கள்

2009-12-05T02:45:00.000-08:00

அண்மையில் உலக எயிட்ஸ் தினத்தை முன்னிட்டு உதயநிதி ஸ்டாலினின் மனைவி கிருத்திகா உதயநிதி, உயிர் , உறவு , உண்மை என்ற மூன்று குறும்படங்களை வெளியிட்டார் இவற்றை முறையே கிருத்திகா, எம். சசிகுமார் (சுப்ரமணியபுரம் சசிகுமார் ) மற்றும் மிஸ்கின் ஆகியோர் இயக்கியுள்ளனர்.

இப்படங்களின் வெளியீட்டு விழாவில்தான் மிஸ்கின் அதிகமாக பேசப்போய் கமலஹாசனின் அறிவுரையை வாங்கி கட்டினார்

ஆங்கிலத்தில் Life, Love, Hope என்று பெயரிடப்பட்டுள்ள அந்த குறும்படங்கள் உங்களின் பார்வைக்கு.

உயிர் - இயக்கம்: கிருத்திகா உதயநிதி.

உறவு - இயக்கம்: எம் . சசிகுமார்

உண்மை - இயக்கம்: மிஸ்கின்

வைரஸ் பாதுகாப்பில்லாமல் கணினியை இயக்குதல்.

2009-11-22T09:28:00.000-08:00

இப்போது கணினிபாவனை மற்றும் இணையம் என்பன எல்லோருக்கும் இலகுவில் கிடைக்கும் விடயங்களாக மாறிவருகின்றன, எவ்வளவுக்கு எவ்வளவு தொழில்நுட்பம் முன்னேறுகிறதோ அவ்வளவுக்கவ்வளவு வைரஸ் தாக்கங்களும் அதிகரித்து வருகின்றன, இந்த வைரஸ் மற்றும் கொந்தர்களின் (Hackers) தாக்கங்களுக்கு அதிகம் உள்ளாகுவது தங்களை, தங்களது கணினிகளை எவ்வாறு தற்காத்துக்கொள்வது என்று தெரியாத அப்பாவி பாவனையாளர்கள்தான், விசயம் தெரிந்தவர்கள் சிலவேளை சொந்த செலவில் சூனியம் வைத்துக்கொள்வதுமுண்டு.

எல்லாரும் நினைப்பது வைரஸ் தாக்குதல்களிலிருந்து தப்பிக்க கட்டாயமாக ஒரு வைரஸ் பாதுகாப்பு மென்பொருள் (Anti virus Software) தங்கள் கணினியில் நிறுவியிருக்க வேணும் என்பதுதான். ஆனால் பெரும்பாலானவர்களுக்கு இந்த மென்பொருள்களை பிடிப்பதில்லை, ஏனெனில் அவற்றில் அநேகமானவை தங்களது கணினியின் வளங்களை (Resources) அதிகம் பயன்படுத்துகின்றன என்பதாகும், இதனால் அவர்களது கணினியின் வேகம் மிகவும் குறைகிறது. சிலவேளைகளில் இந்த மென்பொருட்கள் சில நல்ல நிரபராதி மென்பொருட்களையும் குற்றவாளிகளாக காட்டும், அதுமட்டுமல்லாது இவற்றில் பெரும்பாலானவை ஒவ்வொரு வருடமும் பணம் செலுத்தி புதுப்பிக்க வேண்டியவையாக இருப்பதுதான் (சில இலவசமாக கிடைத்தாலும், எல்லா வசதியும் அதில் கிடைப்பதில்லை).

என்ன இருந்தாலும் நோயை தடுக்கவேண்டும்என்றால் கசப்பான மருந்துகளை உண்ணத்தான் வேணுமல்லவா?

உங்களால் இலகுவாக ஒரு வைரஸ் காப்பு மென்பொருள் இல்லாமல் ஒரு கணினியை இயக்கிவிட முடியுமா? என்றால் அதற்க்கு விடை ஆம் என்பதுதான்.

சாதாரணமாக எங்கள் இயங்கு தளங்களிலேயும் (Operating Systems) உலவிகளிலேயும் (Browsers), வைரஸ்களையும், எங்களது கணினிக்கு தாக்கம் விளைவிக்க கூடிய தளங்களையும் வடிகட்டக்கூடிய (Filters) வசதிகள் இருக்கத்தான் செய்கின்றன.
வைரஸ் தாக்குதல்களிலிருந்து விலகியிருக்க வேணுமானால் நீங்க சில கட்டுப்பாடுகளையும் முன்னெச்செரிக்கை நடவடிக்கைகளையும் எடுத்துக்கொண்டு அதன்படி ஒழுக வேண்டும்.

ஒரு வைரஸ் காப்பு மென்பொருள் அற்ற கணினியானது இயங்க ஆரம்பித்து அதை அணைக்கும் வரை அதிலே, மிகவும் நம்பத்தகுந்த மென்பொருள்களே ஓடிக்கொண்டிருக்க வேண்டும், அதாவது Warez sites, News Groups, Shareware sites, Freeware Sites, Torrents, போன்ற தளங்களில் இருந்து பதிவிறக்கப்பட்ட, அல்லது கோப்பு பகிர்வுமூலம் (File Sharing) நண்பர்களிடமிருந்து பெற்ற மென்பொருள்களை தவிர்க்க வேண்டும். திறந்த மூல (Open Source) மென்பொருள்களை பெரும்பாலும் நம்பலாம் ஏனெனில் அதன் உள்ளிருக்கை எல்லோருக்கும் தெரிந்திருக்கும் எவரும் அதனுடன் வைரசை இணைக்க முடியாது. ஏதாவது மென்பொருளை இணையத்தில் தேடுபவர்களுக்கு நான் சொல்லும் அறிவுரை என்னவென்றால், தேடும் குறிச்சொல்லுடன் Open Source என்ற சொல்லையும் சேர்த்து தேடுங்கள், இந்த மென்பொருள்கள் பாதுகாப்பாக இருக்கும்.

மூடிய மென்பொருள்களில் நீங்கள் கூட வைரசை இணைத்து இந்த தளங்களில் உலவ விடலாம் .

சில நிறுவனங்கள் இலவசமாக உங்கள் கணினியை இணையமூடாகவே Scan செய்து தருகின்றன, உதாரணமாக Trend Micro's House Call (http://housecall.trendmicro.com), Eset's Online Scan (http://www.eset.com/onlinescan) என்பவற்றை சொல்லலாம். இவை உங்கள் கணினியிலுள்ள வைரசை அழித்துவிட போவதில்லை, ஆனால் கணினி பாதுகாப்பாக இருக்கிறதா இல்லையா என்று சொல்லலாம்.

வைரஸ் காப்பு என்பது இன்னும் எமது இயங்குதளங்களில் இணைக்கப்படவில்லை ஆனால் பாதுகாப்பு என்பது கணினியை பாவிக்கும் அனைவருக்கும் தேவைப்படுகிறது ஆகவே சில Mal ware களுக்கான பாதுகாப்பு முறைகள் எமது கணினியில் இருக்கின்றன.

நீங்கள் கணினியை ஆரம்பிக்கும்போது, இயங்குதளம் ஓட ஆரம்பிக்குமுன் BIOS (basic input-output system)என்ற ஒரு நிரல் ஓட ஆரம்பிக்கிறது இது கணினியின் வன்பொருட்களை ஆரம்பிப்பதோடு இயங்குதளத்திற்கு அவற்றை அறிமுகம் செய்துவைக்கின்றது. இந்த BIOS இனுள் ஒரு Boot Sector பாதுகாப்பு முறை (Boot Sector protection Mechanism) உள்ளது அதனை இயக்கிவிடுவதன்மூலம் (enable) Boot Sector Virus போன்ற வைரஸ் களிலிருந்து அது கணினியை பாதுகாக்கும்.

நான் முதலே கூறியதுபோல எமது இயங்குதளம், உலவிகளில் உள்ள சிறிய வடிகட்டிகளும் எமக்கு எச்சரிக்கை செய்யும், இவை எமது கணினியின் வேகத்தை குறைப்பதில்லை.

அத்துடன் மைக்ரோசொப்டின் Windows Defender Vista, XP, Windows 2003 போன்ற இயங்குதளங்களுக்கு இலகுவாக கிடைக்கும், இதன் பிரதானமான இலக்கு Spy Ware களாகும் , இவைதான் மிகவும் ஆபத்தானவை, உங்கள் கணினியில் ஒளிந்திருந்து உங்கள் நடவத்க்கைகளை அவதானிப்பதோடு சில வேளைகளில் உங்களைப்பற்றிய தனிப்பட்ட விபரங்களையும் சேகரிக்கும்.

நீங்கள் வைரஸ் காப்பு மென்பொருள் பாவிக்காதவரைக்கும் உங்கள் பொது அறிவுதான் மிகுந்த பாதுகாப்பை உங்கள் கணினிக்கு அளிக்கும். Spy ware களை சுமந்துவரும் தளங்களை தள்ளிவைப்பது சால சிறந்தது, இவற்றில் வேண்டுமென்றே SpyWare காப்பு மென்பொருள்களை விற்கும் தளங்கள் மிகவும் பிரதானமானவை. நம்ப வைத்து கழுத்தை அறுப்பவை அவைதான்.

இப்படியான தளங்களை இங்கே சென்று அறிந்துகொள்ளலாம், லிஸ்டு போட்டே காட்டுறாங்க.

உரிய தற்காப்பு இல்லையென்றால் பலான தளங்களுக்கு போகாமல் இருப்பது சாலச்சிறந்தது, போவதென்றால் Anti virus Software ஓடு போங்கள் ( ஒத்துக்கிறேன் இதில இரட்டை அர்த்தம் இருக்கிறது )

அறிமுகமில்லாத எந்த குப்பனிடமோ சுப்பனிடமோ இருந்து வரும் மின்னஞ்சல்களை அழித்துவிடுங்கள் மிகவும் பிரதானமாக அவற்றில் ஏதும் Attachment இருந்தால் . ஒஹ் ஆணாதிக்கம் என்று சொல்வார்கள் -ஆண்ட்ரியா, அஞ்சலா என்று பெண்கள் பெயரில் வந்தாலும் சரி ஜொள்ளு வடிய திறந்துவிடாதீர்கள், பிறகு அவ்வளவுதான்.

பெரும்பான்மையான வைரஸ்கள் பரவுவது இந்த மின்னஞ்சல்களில் வரும் Attachment மூலம்தான்.
ஆகவே நீங்கள் மின்னஞ்சல் Application பயன்படுத்துபவராக இருந்தால் ஒரு Spam Filter உள்ள Application ஐ பயன்படுத்துங்கள்.

என்னதான் இருந்தாலும் சிலவேளைகளில் நமது நண்பர்கள் கொண்டுவரும் PenDrive களினூடும் பரவலாம்,
ஒரு Word File மூலமும் வைரஸ் பரவலாம் . அதற்க்கு நான் மேலே சொன்ன Online Scanners மூலம் இந்த கோப்புகளை Scan செய்து பார்க்கலாம்.

இவ்வாறு சில முன்னெச்சரிக்கை நடவடிக்கைகளை மேற்கொண்டால் ஒரு வைரஸ் காப்பு மென்பொருள் இல்லாமல் கூட எமது கணினியை இயக்கலாம்.

இசைப்புயலுக்கு ஒரு சவால் !

2009-11-15T08:34:00.000-08:00

இவர் ஏன் இப்பிடி யோசிக்கிறார்?????

எனது சங்கீத/ இசை படிப்பு என்பது ஆறாம் வகுப்பில் சித்திரமா, சங்கீதமா என்று பாடத்தை தெரிவு செய்யும்போது ஒருநாள் ஒரு சங்கீத பாடவேளைக்கு போய்ஓடி வந்ததோடு முடிந்துவிடுகிறது. ஆனால் இசை மீது எனக்கு மிகுந்த ஈடுபாடு இருக்கிறது, அதுவும் கேட்பதில்தான். இசை படிக்கவேண்டும், ஏதாவது ஒரு இசைக்கருவியை வாசிக்க தெரிந்திருக்க வேண்டும் என்ற ஆசைஇப்போதும் இருக்கிறது.ஹ்ம்ம் எங்கே அதெல்லாம்.
ஆனால் இப்போதுதான் எல்லோரும் இசை அமைக்கிறார்களே, மீள்கலவைசெய்கிறார்களே கணினியின் உதவியோடு. அதனால் நாமளும் ஏதாவதுசெஞ்சு பாக்கலாமே என்ற ஆசையில் நான் விளையாடியவிளையாட்டுக்கள்தான் கீழே நீங்கள் கேட்கப்போகும் இசைகள். அவை உண்மையிலேயே இசைதானா என்பதை நீங்கள்தான் தீர்மானிக்கவேணும். இப்போதே சொல்லிவிடுகிறேன் எனக்கு கமலஹாசனின் மகள் ஸ்ருதியை தவிர வேற ஒரு ஸ்ருதியையும் தெரியாது அதனால் யாராவது இசை வல்லுனர்கள் கும்மிவிடாதீர்கள்.

ஏற்க்கனவே இசைப்புயலும் நோக்கியாவும் சேர்ந்து இந்தியர்களுக்காக ஒரு மீள்கலவை போட்டி வைத்திருந்தார்கள் அதிலும் முயற்சி செய்து பார்த்திருக்கிறேன். அந்த பதிவு இங்கே இருக்கிறது.

நான் Sony Acid Pro என்ற மென்பொருள்தான் பாவிப்பது, இதன் மூலம் லூப் களை கொண்டு இசை கொர்ப்புக்களை செய்யலாம், கீ போர்ட் வாசிக்க தெரிந்திருந்தால் நாமளே விதவிதமாக லூப்களை உருவாக்கி இசை கோர்க்கலாம், நமக்குத்தான் அது தெரியாதே அதனால் பல லூப்களை பதிவிறக்கம் செய்து அதனை கொண்டு இந்த கொர்ப்புக்களை செய்துள்ளேன். லூப் பற்றாக்குறை காரணமாக பல இசைக்கருவிகளை இதனுள் அடக்க முடியவில்லை.

முதலாவதாக இசைப்புயலின் பாடலில்தான் கைவைத்துள்ளேன், இந்தி கஜினியில் உள்ள Guzarish என்ற பாடலின் Beat இனை முழுவதுமாக மாற்றியுள்ளேன் (அடப்பாவி அந்த பாடலிலே அந்த Beat தானே நல்லம் எண்டு நீங்கள் சொல்வது புரிகிறது, என்ன செய்வது எதோ பண்ணுவமெண்டு வந்தாச்சு எதையாவது மாற்றித்தானே ஆகணும்)

கேட்டு பாருங்க
<

Gajini-Guzarish.mp3 - பகீ

அடுத்ததாக ஒரு தளத்திலே இருந்து கிடைத்த இசை இல்லாத ஒரு குரலுக்கு நம்மளால முடிஞ்சது எதோ கொஞ்சம் இசை கலந்திருக்கிறேன், வரிகளும் இசையும் ஆங்கே இங்கே கொஞ்சம் பாய்கின்றன, அவற்றை கணக்கிலெடுக்க வேணாம் என்று இப்போதே கேட்டுக்கொள்கிறேன்.

My Remix 2.mp3 - Pahee

இதுதான் ஒருவகையில் எனது முதல் முயற்சி , பாடல் வரிகள் இல்லை இசை மட்டும்தான், கொஞ்சம் House Mix மாதிரி இருக்கும்

House Mix.mp3 - பகீ

இப்போ தெரியுதா ரஹ்மான் ஏன் அப்பிடி யோசிக்கிறார் எண்டு .

எல்லாத்தையும் கேட்டீங்கன்னா உங்கட பொன்னான பின்னூட்டங்களையும்போட்டுட்டு போங்கோ. நான் எவ்வளவு வேணுமென்னாலும் தாங்குவேன், நான் ரொம்ப நல்லவன்.

கோப்பியை சுவையுங்கள் ....கப்பை அல்ல

2009-08-30T12:26:00.000-07:00

நன்கு படித்து மிகவும் உயர்ந்த பதவிகளில் இருக்கும் சில பழைய மாணவர்கள் ஒன்றாக சேர்ந்து தங்களது பேராசிரியரை பார்க்க போனார்கள்,

அப்பிடியே கதைத்துக்கொண்டிருக்கும் பொது பேராசிரியர் கேட்டார் என்னப்பா வேல கீல எல்லாம் எப்பிடி போகுது, வாழ்க்கையெல்லாம் நல்லா இருக்குதா என்று கேட்டார். அதுக்கு அவங்களும் என்ன வாழ்க்கை ஐயா ஒரே பரபரப்பு எப்போ பார்த்தாலும் டென்சன், எங்களுக்கு மேல இருக்கிறவனுகள் எங்க மேலதான் வேலையெல்லாம் போடுறானுகள்எப்போ பார்த்தாலும் வேலைப்பளு, மன அழுத்தம் நீங்க என்னடான்னா வாழ்க்கை எப்பிடி எண்டு கேக்குறீங்க எண்டு எல்லோரும் சொன்னார்கள்.
அவரும் எல்லாத்தையும் கேட்டுட்டு ......ஹ்ம்ம்ம் சரி இருங்கோ கோப்பி ( இந்தியாவில் காபி ) எடுத்துட்டு வாறன் எண்டு உள்ளே போனார், போனவர் ஒரு பெரிய பாத்திரத்தில் கோப்பியும், பலவிதமான கப் களையும் கொண்டுவந்தார், அவற்றில் சில கண்ணாடியாலும் , சில பிளாஸ்டிக்காலும் செய்யப்பட்டிருந்தன சில மிகவும் விலை உயர்ந்ததாக இருந்தது, சில மிகவும் சாதாரண தரமுடைய கப் களாக இருந்தன.
நீங்களே உங்களுக்கு தேவையானத எடுத்து அளவுக்கு ஊற்றி எடுத்துக்கொள்ளுங்கள் என்று சொன்னார்.
எல்லோரும் தங்களுக்கு தேவையான அளவுக்கு ஊற்றி எடுத்துக்கொண்டனர், அப்போது பேராசிரியர் சொன்னார் நீங்கள் எல்லாரும் ஒன்றை கவனித்தீர்களா?
உங்களில் யாரும் அந்த சாதாரண கப் களை எடுக்கவில்லை, நீங்கள் எல்லோரும் அந்த விலை உயர்ந்த, அழகான கப் களையே எடுத்துள்ளீர்கள். மிகவும் சிறந்தவை உங்களுக்கு தேவை என்பது சாதாரணமான விடயமாக இருந்தாலும் அதுதான் உங்களது மன அழுத்தம், டென்சனுக்கு மூல காரணம். ஏனென்றால் உங்களுக்கு எல்லாருக்கும் தேவை கோப்பி, கப் அல்ல ஆனால் நீங்கள் சிறந்த கப் ஐ தேர்ந்தெடுத்துவிட்டு மற்றவர்களின் கப்பையும் பார்க்கிறீர்கள்.
வாழ்க்கை என்பது கோப்பி மாதிரி, உங்களது வேலை, பணம், சமூகத்தில் உங்களின் அந்தஸ்து என்பன கப் மாதிரி, அவை உங்களின் வாழ்க்கையை கொண்டிருக்கும் கருவிகள். ஆனால் உங்களின் வாழ்க்கையின் தரம் மாறாது. சில வேளைகளில் நிங்கள் கப்பிலே கவனம் செலுத்தபோய் கோப்பியின் சுவையை இழந்துவிடுவீர்கள்.

ஆகவே கப்பை மட்டும் நினைத்துக்கொண்டு வாழாதீர்கள் பதிலாக கோப்பியை சுவையுங்கள்.