ஐ போனில் வழு

பிரபல கணினி வல்லுனரான Piergiorgio Zambrini என்பவர் ஆப்பிள் இன் ஐ போன் மற்றும் ஐ பொட்டிலே ஒரு விபரீதமான பாதுகாப்பு ஓட்டை இருப்பதை கண்டுபிடித்துள்ளார். அவரது கூற்றுப்படி இந்த வழுவானது ஐ போன் மற்றும் ஐ பொட்டினை செயலிழக்க வைக்ககூடியதாம்.

இவரது கண்டுபிடிப்பின்படி இந்த வழு , ஆப்பிள் இன் வீடியோ போர்மட்டின் ஆடியோ பகுதியில் உள்ளது. ஒரு கொந்தர் (hacker) நினைத்தால் ஒரு சிறிய செயல் நிரலை எழுதி ஒரு வீடியோ கோப்பினில் இந்த வழுவுடன்இணைத்துவிட்டால் எப்போது அந்த கோப்பினை திறக்கும் போதும் ஐ போன் செயலிழந்து விடும் என்று எச்சரிக்கிறார் .

இந்த வழுவானது ஆப்பிள் ஒபெறேடிங் சிஸ்டத்தினால் அதிகமாக பயன்படுத்தப்படும் ஒரு shared code library இல் உள்ளது . இந்த வழுவானது கருவிக்கு எந்தவிதமான நிரந்தர சேதத்தையும் தராத போதிலும் கருவியை செயலிழக்க செய்து பின்னர் ரீபூட் பண்ண வைக்கும் .

Forbes.com இற்கு வழங்கியிருக்கும் ஒரு செவ்வியிலே தாம் இத்தனை ஜூலை மாதமளவிலேயே கண்டு பிடித்துவிட்டதாகவும் அப்போது ஆப்பிள் ஐ எச்சரித்தும் அதனிடமிருந்து எந்தவிதமான பதிலும் வரவில்லை என்று கூறியுள்ளார் .

Zambrini ஒரு இத்தாலிய கணினி வல்லுநர் Ziphone என்ற மென்பொருளை உருவாக்கியதற்காக பலராலும் அறியப்பட்டவர் . இம்மென்பொருளானது ஐ போன் ஐ AT&T அல்லாத வேறு வலை அமைப்புக்களிலும் பாவிக்ககூடியவாறு மாட்டும் வல்லமை படைத்தது அதுமட்டுமல்லாது ஆப்பிள் இனால் அங்கீகரிக்கப்படாத மென்பொருட்களை பாவிக்கவும் உதவும் மென்பொருளாகும் .

இதற்கு முதலும் பல பாதுகாப்பு ஓட்டைகள் கண்டுபிடிக்கப்பட்டுள்ளன . கடந்த மாதம் இஸ்ரேல் ஐ சேர்ந்த Aviv Raff என்பவர் புதிதாக வெளியிடப்பட்ட 3G ஐ போன் இல் இரண்டு துளைகளை அறிவித்திருந்தார் என்பது குறிப்பிடத்தக்கது .

முதலாவது ஐ போன் மெயில் இல் URL ஐ வெளிப்படுத்துவதிலுள்ள குறை . இதனால் ஒரு கொந்தர் இனால் ஒரு Malicious URL இணை பாதுகாப்பான URL போல அனுப்பமுடியும் .

மற்றையது ஐ போன் இனுடைய மின்னஞ்சல் மென்பொருள், இது எரிதங்களை அனுப்புபவர்களுக்கு எது உண்மையான மின்னஞ்சல் முகவரி என்று கண்டுபிடிக்க கூடியதாக இருக்கிறது .

அண்மையில் ஐரோப்பாவின் குளிரான காலநிலை காரணமாக இ போன் இன் touch screen இன் உணர்திறன் பாதிக்கப்பட்டுள்ளதாகவும் இதனால் பல தொல்லைகளை அது கொடுப்பதாகவும் ஒரு குற்றச்சாட்டு எழுந்துள்ளது .

ஆக ஐ பாட் தந்த வெற்றியை ஐ போன் கொடுக்குமா என்பதுதான் கேள்விக்குறி .